JUVET LANDSKAPSHOTELL
- eit rom i skogen
På ein stupbratt elvebarde, innimellom bjørk, osp, furu og skulpturelle steinar, ligg Juvet, det første landskapshotellet i Europa. Sju rom er bygde kvar for seg i landskapet. Ved første augekast ser dei nokså smålåtne og stillfarne ut. Men når du opnar døra og stig inn, er det som om naturen strøymer mot deg gjennom dei enorme panoramavindauga. Du kan nesten kjenne trea kitle deg på ryggen, og kvite dropar frå elva Valldøla lande på kinnet ditt.